1ይ ዓመት ፍሉይ ስርሒት "ወፍሪ ኣሉላ ኣባነጋ"

እዚ ፀረ መጥቃዕቲ "ወፍሪ ኣሉላ" ተባሂሉ ዝተሰየመሉ ምኽንያት:-

1. ኣብዚ ውግእ ሓየት ሰራዊት ትግራይ መጥቃዕቲ ዝጀመረሉ "መነወ" ዝተብሃለ ትውልዲ ዓዲ ስፍራ ናይዚ ተባዕ ትግራዋይ ብምኻኑ

2. ሓዱሽን ወለዶ ከም ኣያታቱን ኣቦ ሓጎታቱን ብዝልዓለ ጅግንነት ስለዝቃለስን እዩ::

ወፍሪ ኣሉላ ካብ ኣልዓሳ: ሃገረሰላም: ዓብይ ዓዲ: ኣግበ ክሳብ የጭላ ኣብ ልዕሊ 100 ኪ.ሜ ዝተዘርገሐ ሓይሊ ፀላኢ ሓየት ሰራዊት ትግራይ በርቃዊ መጥቃዕቲ ከካይድ ጀሚሩ:: እዚ በርቃዊ መጥቃዕቲ ብሓይሊ ብምቕፃል ክሳብ ዝባን ገበል ከባቢ ዓብይ ዓዲ በፂሑ:: ብኻሊእ ገፅ ሓየት ሰራዊት ትግራይ ካብ መቐለ: ግጀትን ከባቢኡን ዝወርድ ዝነበረ ፀላኢ ኣብ ከባቢ ዓዲ ዕሽር መኪትዎ እዩ::

ኣብዚ ሰራዊትና ብዓወት ዝምርሸሉ ዝነበረ ስርሒት መበል 31ን 11ን ክፍለ ሰራዊት ኢትዮጵያ ምስ ኣዘዝቶምን ኣመራርሓኦም ሙሉእ ብሙሉእ ተደምሰሱ:: እዘን ክፍለ ሰራዊት ተዓጢቐንኦ ዝነበራ መዳፍዕ: ዲሽቃን ካልኦት ማእኸላይ ብረታትን ኣብ ኢድ ሰራዊትና ምስ ኣተወ: እተን ዝተመንዓ ኣፅዋራት ድማ ተመሊሰን ንፀላኢ ኣብ ምጥቃዕ ክውዕላ ጀሚረን::

ጅግና ሰራዊትና ነቲ ካብ የጭላ ክሳብ ዳውስራ ተዘርጊሑ ዝነበረ ፀላኢ ሙሉእ ብሙሉእ ብምድምሳስ በዝሒ ዘለዎም ተሽከርከርቲ: ጥይት ዝመልኡ ዲፓታት: ብዙሓት ዓበይቲ ማእኸላይን ኣናእሽተይን ሬድዩታት ርክብ ምምራኽ ተኽኣለ:: ኣብዚ ወፍሪ ዝተሳተፉ ሓይሊ ፀላኢ መበል 31: 11: 24: 21: 32: 20: 25 ክፍላተ ሰራዊት ኢትዮጵያን ዝተወሰኑ ክፍላተ ሰራዊት ኤርትራን ተሳቲፈን ተደምሲሰን እየን::

ሓየት ሰራዊት ትግራይ ኣብዚ ወፍሪ ንዓምቧኽን ፅግዕተኛን ሰራዊት ኤርትራ ሕቑኡ ብምስባር: ንሰራዊትና ደው ዘብል ዝኾነ ይኹን ሓይሊ ከምዘየለ ብምግንዛብ መብዛሕቲኦም ክፍላተ ሰራዊት ኤርትራ ንሰሜንን ምዕራብን ኣንፈት ክሃድማ ጀሚረን:: ኣብዚ ወፍሪ ኮለኔል ሑሴን ዝተብሃለ ኣዛዚ ክፍለ ሰራዊት 11 ዝርከብዎ ልዕሊ 1,300 ወታደራት ዝተማረኹ እንትኾን ብዓሰርተ ኣሽሓት ዝቑፀር ወታደር ፀላእቲ ድማ ምውትን ቁስልን ክኾኑ ተገይሮም እዮም::

ኣብዚ ፍሉይ ቅያ ዝተሰርሖ ወፍሪ:-

- 14 መድፍዕ (122 ሚ.ሜ)
- 10 ሞርታር (82 ሚ.ሜ)
- 3 ሞርታር (12 ሚ.ሜ)
- 7 ዙ-23
- ልዕሊ 80 ዝተፈላለያ መኻይን
- ልዕሊ 60 ዓበይቲ: ማእኸለዎትን ኣናእሽተይን ርክብ ሬድዮታት
- ብኣሽሓት ዝቑፀሩ ማእኸላይ ብረታት ሰራዊትና ክምንዝዖም ክኣለ::

ኣብዚ መስተንክራዊ ዓወት ዝተመዝገበሉ ወፍሪ ተሳትፎ ህዝቢ ትግራይ ማለት እውን ውግኣት ኣብ ምልዓል: ስንቂ ማይ ኣብ ምቕባል: ኣገዳሲ ሓበሬታታት ኣብ ምሃብ ዝልዓለ ነይሩ:: ኣብዚ መስተንክራዊ ስርሒትን ዓወትን ሓየት ሰራዊት ትግራይ ግፍዒ ሰሪሕኻ ካብ መሬት ትግራይ ምምላጥ ከምዘየለ: መሬት ትግራይ ረመፅ ከምዝኾነት ዘረጋገፀ ወፍሪ እዩ::

ዓወት ንህዝቢ ትግራይ!
ትግራይ ትስዕር!