ስነዳ!

ሰላማት ተጋሩ!
ፀላእትና ኣብ ልዕሊ ተጋሩ ገበን ዘርኢ ምፅናት ክፍፀም የለዓዕልሉ ዝነበሩ ፅሑፋት ፣ ቪድዮታትን መልእኽታትን ቀስ ብቀስ የጥፍእወን ኣለው። ብፍላይ እቶም ብደረጃ ዓለም “መልእክቲ ፅልኢት ወይ መልእክቲ ዘርኢ ምጥፋእ” ተባሂሎም ዝተፈረጁ ዳርጋ ኩለን ኣውሪዶምወን እዮም።

ሓደራ ዋላ ስልክናን ላፕቶፕናን ይምላእ ፣ ክንዲ ድላዩ ዋጋ የኽፍለና ኣብ ነፍሲ ወከፍና ዘሎ መረዳእታታት ከይነጥፍኦ። ንድሕሪ ሐዚ ዝመፅእ እውን ንዓቅብ ንሰንድ።

እንታይ ኢና ክንገብር ዘለና!

ኣማራፂ ሃርድ ዲስክ [ደረቕ ስነዳ]
ዋላ ስክሪን ሾት ትኹን ፣ ቪድዮ ፣ ፅሑፋት ፣ መልእኽታትን ሊንክታትን ኩሎም ክንዲ ዝተኽኣለ ኣብ ናይ በዓልትና መሰነዲ ቦታ [ላፕቶፕ ፣ ሃርድ ዲስክ ፣ ፍለሽ ወይ ካሊእ ኣማራፂ ምጥቃም ወይ ምቕማጥ]

ብድጂታላዊ መረዳእታ [ሶፍት ኮፒ]
ኣብ ጎግል ድራይቭ፣ ጎግል ኣካውንት ፣ ኢመይል ፣ ከምኡ እውን ኣብ ቴሌግራም ናይ በዓልትና [በይንትና] ኣካውንት ብምክፋት ምቅማጥ ንክእል።

እዚ ምግባር እንድሕር ዘይንኽእል ፣ ናብ ናይ ንፈልጦ ሰብ መሴጅ [መሴንጀር] ብምልኣኽ እውን ከም ስቶር ኮይኑ ክቅመጠልና ምግባር ንክእል ኢና። [እቲ ንልእኸሉ ሰብ ከየጥፍኦ ግን ሓበሬታ ምቅባል ከድልየና እዩ]

ካብዚ ወፃኢ ፣ ቀልጢፍና ንዝምልከቶ ኣካል ብፍላይ ንሚድያታት ወይ ከምኒ GSTS ዝበሉ ናይ ስነዳ ጉጅለታት ስለዘለውን ናብኦም ክነመሓላልፎ ንክእል ኢና።

እዚ ካብቲ ብሰሩዕ ናይ ስነዳ ስራሕቲ ዝሰርሑ ውልቀ ሰባትን ትካላት ወፃኢ ፣ ኩሉ ክረባረበሉ ዝግባእ ዕማም እዩ። ንኩሎም ሰነዳት ድማ ብሓደ ግዘ ምሽፋን ስለ ዘይክኣል ክንዲ ዝተክኣለ ኣብዚኣ ንንጠፍ ፣ እዚ መልእክቲ ንካልኦት ነካፍል።