መቐለ ሐዚ ዘለቶ ኩነታት ብፅሑፍ ክስእለልኩም
ንጉሆ ከምቀደም ከይኮነስ ቁፅሩ ውሕድ ዘይበሃል ሰብ ክንቀሳቐስ ትርኢ:: ልሙድ ዕለታዊ ምንቅስቓስ ይረአ እዩ:: ቀትሪ ግን ካብ ልሙድ ተርእዮ ንታሕቲ ምንቅስቓስ ይቕንስ እዩ:: ታክሲ ኣቲኻ እውን ክሳብ ትመልእ ፍርቂ ሰዓት ኮፍ ክትብል ትኽእል ኢኻ:: ከባቢ ኣጋምሸት ካብ ልሙድ ንላዕሊ ምንቅስቓስ ብፍላይ ድማ ኣብ ፀግዓፀግዒ እታ ኸተማ (ከባቢ ዓዲ ሓውሲ ከምኡውን ዓዲ ሓ) ይረአ:: ምዕሩግ ኣከዳድና ዝተኸደና ምልኩዓት ደቂ ኣንስትዮ ብበዝሒ ይረአያ:: ደቂ ተባዕትዮን ደቂ ኣንስትዮን ኣብ ተኽለ ሰውነት ካብቲ ቀደም ዝነበረ ቅርፂ ብዙሕ ክበሃል ዝኽእል ለውጢ ኣሎ:: ቦርጫም ወዲ ከምቀደም የለን:: ተኽለሰውነት ደቂ ኣንስትዮ ብተለምዶ ካብ ዝፍለጥ ብዙሕ ለውጢ ምዕዛብ ይከኣል:: ኮላይ ኣከዳድና:: "ኣብ ፊልምታት ቱርኪ ዝረአያ ደቂ ኣንስትዮ ዝመስላ በዚሐን" ዝበለኒ ሓደ ዓርከይ ይዝክር:: ቅጥን ዝበላ ንምባል ይመስለኒ:: ዳርጋ ኩሉ ሰብ ቀጢኑ እዩ:: ከባቢ ኤላዝ ካፌ መቐለ ህይወት ዘሪኣ እትሪአሉ ከባቢ እዩ:: ቀደሙ እውን እቲ መስመር ዋና ከተማ ካብ ዝኸውን ፀኒሑ እንድዩ ግን ኣይከምሎምን::
ኣብ ዝተፈላለየ ከባቢታት ብዙሕ እዋን ሰብ ተኣኪቡ ምርኣይ ልሙድ እዩ:: ሓበሬታ ይለዋወጥ ምህላዉ ንምግማት ኣይከብድን:: ብፍላይ መስመር ደስታ ሆቴል ኩሉ ግዘ ኣጋምሸት ቁፅሩ ቀሊል ዘይበሃል ሰብ ይእከበሉ:: ዕዳጋ ሓበሬታ ሃይሃይታ እዩ:: ቀትርን ለይትን ብዙሕ ሰብ ተኣኪቡ ስልኩ ኣቀራሪቡ ሓበሬታ ይለዋወጥ:: ብXender:: ድሕሪ ኪናት መቐለ ኣዝዩ ዝበዝሐ ዝተኸፈት ቢዝነስ እንዳ ሓበሬታ እዩ:: Screenshot ከምኡውን ዜናታትYouTubeራት ይሽየጡ:: ድምፂ መጉልሂ ጌሮም እውን ዜናታት ይኸፍቱ:: በዚ ስራሕ እዚ ዙርያ ሮማናት ኣደባባይ ፍሉጥ ማእኸል እዩ:: ድምፂ ብመጉልሂ ስለዝኸፍትዎ እናኸድካ ከይፈተኻ ዜና ክትሰምዕ ይገብሩኻ::
ብዙሕ ሰብ ኣብ ሓደ ኣፍደገ ቤት ፅሕፈት ተኣኪቡ እንተሪእኹም ኢንተርኔት ኣሎ እዩ ማለት እዩ:: (ቀደምስ ማዘጋጃቤት እዩ ዝመስለና ኔሩ) ብዙሓት ምሁራት (ብፍላይ መምህራን ዩኒቨርሲቲታት ትግራይ) ኣብ ኣፍደገ ዓለምለኸ ትካላት መረዳእታ ትምህርቶም ሒዞም ተገቲሮም ምርኣይ ልሙድ እዩ::
ስራሕ ክቑፀሩ እናመልከቱ:: እዚኦም ተረፍ እቶም ብቆቦ ጌሮም ዶብ ዝሰገሩ እዮም:: እዞም ዓለምለኸ ትካላት (ብፍላይ UN) ዝርከቡሎም ድማ ከባቢ ዓዲ ሓውሲ ስለዝኾነ እቲ ኸባቢ ንጉሆ ንጉሆ ሰብ ይበዝሖ እዩ::
ምንቅስቓስ መኪና ከምቀደም ኣይኮነን:: ታክስታትን ኣውቶብሳትን ካብ ዓቐን ንላዕሊ ፅዒነን ምርኣይ ልሙድ እዩ:: ታክሲ 18 ሰብ እያ ትፅዕን:: ኣብ ላዕሊ ድማ ተወሳኺ ክሳብ 8 ሰብ ይፅዕና:: ኩሎም ኣብ ላዕሊ ዝፀዓኑ ድማ ኣባላት ምክልኻል ሓልታት ትግራይ እዮም:: ክኸፍሉ ስለዘይክእሉ ብናፃ ኣብ ዝባን ታክሲ ይሳፈሩ:: ኣውቶብስ እትፅዕኖ በዝሒቁፅሩ ኣይፍለጥን:: ሰብ ኣብ ማዕፆ ተንጠልጢሉ ክሳብ ዝረአ ይፅዕንወን:: ባጃጅ ኣብ ጋቢና ከይተረፈ ክልተ ሰብ ብሓፈሻ 5 ሰብ ትፅዕን:: ብፍላይ ዓዲ ሓውሲን 18ን ብዙሓት ባጃጃት ከም ታክሲ ይሰርሓ:: ቁልቁለት ስለዝኾነ ድማ ብ"ፎሎ" እየን ዝወርዳ (ሞተር ከይወላዕኻ::) ናይ ዕሹግ ማይ መትሐዚ (ብተልምዶ ሃይላድ) ነዳዲ መትሐዚ ካብ ዝኸውን ፀኒሑ እዩ:: ንምንታይ ኣብ ኣብ ናይ ሃይላንድ ላስቲክ ከምዝሕዝዎ ሓቲተ "ኣብ ውሽጢ ታንከር እታ ባጃጅ እተኾይኑ ይነፍስ እዩ" ዝብል ምላሽ እየ ረኺበ:: ጋሪታትን ማሂንድራ ባጃጅን ናይ UNHCR ቴንዳ ዳስ ተሰሪሑለን ታክሲ ኮይነን እየን:: ብተለምዶ "ውይይት" ዝበሃላ
|
