ብትርልዮን ኣዕንዮም ብሚሊዮን ዝተኽቡላ ትግራይ!

ሃገር ብሃገራ ዘራያት ዓዲማ ኣብ ልዕሊ ሓንቲ ክልል እዚ ኩሉ ጥፍኣታት እንትፍፀም ተሳታፊ ዝነበረ ኩሉ ድሕሪ ስምምዕ ሰላም ፕሪቶያ ኣብ ትግራይ ንዝተጀመረ ዳግመ ህንፀት ክሳብ ሕዚ ዝሃቦ ኣወንታዊ መልሲ ዳርጋ የለን ምባል ይክኣል።

ካብ ዉሕዳት መንግስታዊ ትካላት ዝግበር ዘለዉ ሓገዛት ይቀፅልሉ ዝበሃል ዋላ ይኹን ምስቲ ኣብ ዂናት ትግራይ ዘዉፅእዎ ሃፍትን ዝሃብዎ ኣመራርሓን እንትነፃፀር ግና ናይ ሰማይን መሬትን ኣፈላላይ እዩ ዘለዎ። ምምሕዳር ኣዲስ ኣበባ ኣብቲ እዋን ኩናት ሃፍቲ ኣብ ምስብሳብ(ካብ ዓበይቲ ሰብ ሃፍቲ ክሳብ ተራ ዜጋ ብምግዳድን ብዓርሰ ተበግሶን) ፣ ተጋሩ ብመንነቶም ኣብ ምንግልታዕን ምእሳርን፣ ነበርቲ ከተማ ኣዲስ ኣበባ ብኣስገዳድ ሰለማዊ ሰልፊ ክወፅ ኣብ ምግባርን ካልኦትን ብዝለዓለ ተበግሶ እናፈፀመ ዝፀንሐ እዮ።

ብካሊእ ወገን ድማ ኣዲስ ኣበባ ዩኒቨርሲቲ ኣካል ማሕበረሰብ እቲ ትካል ንዝነበሩ ተወለድቲ ትግራይ ዝተፈላለዩ ግፍዕታት እናብፀሐ ዝፀንሐ እንትከዉን ካብቲ ትካል ተመሪቆም ኣብ ኢትዮጵያን ዝተፈላለየ ክፋላት ዓለምን ዝርከቡ ደገፍቲ ቃልሲ ህዝቢ ትግራይ ናይ ድግሪ ስረዛ ከም ዝገብር ኣፍሊጡ ነይሩ። ብተወሳኪ ድማ እዚ ትካል ኣብ ዝተፈላልየ ግዜ ንመከላከሊ ሰራዊት ኢትዮጵያ ብዓይነትን ብጥረ ገንዘብን ብርክት ዝበለ ደገፋት እናገበረ ዝፀንሐ እዩ።

ብሓፈሻ እዚ ሕዚ ካብ ዝተፈላለዩ መንግስታዊ ትካላት ዝግበር ዘሎ ሓገዝ ምስቲ ዝበፀሐ ዕንወት ዘይመጣጠንን ኣብ እዋን ዕንወት ዝነበሮም ተሳትፎ በዚ ከይዲ ኣብ 50 ዓመታት ዉን ዘይትካእ እዩ። ህዝቢ ትግራይ ካብ መረበቱን ንብረቱን ኣፈናቂልካ ተፀባዪ ረድኤት ኮይኑ ካብ ምፍራድ ንላዕሊ ጭካነ የለን። ህዝቢ ትግራይ ሕዚ’ዉን እንተኾነ ስምምዕ ሰላም ናብ ባይታ ወሪዱ ናብ መረበቱ ተመሊሱ ካብ ሰብኣዊ ሓገዝን ትካቦ ማእኸል ዓድን ተናጊፉ ሰሪሑ ክነብር ብተስፋ ይፅበ።

Dedebit Media ደደቢት ሚድያ
************************
GoFundMe: https://gofund.me/98d06651
PayPal: https://www.paypal.com/donate?hosted_button_id=NC4AFNBQLVMSN
TipHub: https://tiphub.co/dedebit-media-fundraiser/577
ቀዋሚ ኣባል ንምዃን/To be a member: https://www.patreon.com/dedebitmedia
A raffle organized by Dedebit Media ብደደቢት ሚድያ ዝተዳለወ ሎተሪ/ዕጫ: https://go.rallyup.com/dedebitmedia ዌብሳይት/Website፡ https://dedebitmedia.com/
ሞባይል ���ፕሊኬሽን/Mobile app፡ dedebit.page.link/download
ቴሌገራም/ ፡ https://t.me/dedebitmedia2
ፌስቡክ/Facebook፡ https://www.facebook.com/DedebitMedia
ትዊተር/Twitter፡ https://twitter.com/dedebitmedia
ዩቱብ/YouTube: https://www.youtube.com/@DedebitMediaInternational
12/10/2015 ኣ/ግ