ኣኽሱም ክትምለስ ኣለዋ። ኣኽሱም ማእኸል ኩሉ ነገር እያ። ታሪኽና ደሚቑ ክወፅእ ኣለዎ።

* ብልፍንታዉያን ወረርቲ ሓይልታት በፂሑና ዘሎ ቁሉዕ ወራርን መከራን ፣መከራ ህዝቢ ትግራይን ቤተ -ክርስቲያንን እዉን እዩ። ኣብ ትግራይ ቤተ እምነታት ግዳይ እቲ መከራ ኮይነን እየን።

* ቤተ-ክርስትያን ተበሳቢሳ እያ። ቤተ-ክርስትያን ዓንያ እያ። ቤተ-ክርስትያን ኣራኺሶምዋ እዮም። ቤተ-ክርስትያን ተደፊራ እያ።

* ታሪኽና ተወሲዱ እዩ። ተቓፂሉ እዩ። ፋብሪካታትና ተመንዚዖምን ዓንዮምን እዮም። ደቂ ኣንስትዮ ተደፊረን እየን። ኣቦታት ሃይማኖት ተቐቲሎም እዮም።

* ኣብ ልዕሊ ህዝቢ ትግራይን ቤተ -ክርስትያንን ዝበፀሐ ጥቅዓት ኣየሰኮነናን። ከም ህዝቢ እዉን ክንምብርከኽ ኣይከኣልናን።

* ቃልሲ ህዝቢ ትግራይ ገና ኣይተዛዘመን። ቤተ -ክርስትያን እዉን ትቃለስ እያ ዘላ። ነቲ ዘይተወደአ ቃልሲ ሓቢርና ክንዛዝሞ ኣለና።

*ቤተ-ክርስትያን ኦርቶዶክስ ኢትዮጵያ ኣብ ልዕሊ ህዝቢ ትግራይ ዝበፀሐ ዓለም ዘሰንበደ ተግባር ምፅናት ህዝቢ ሪኣ ከምዘይረኣየት ተፀሚማ እያ ጥራሕ ዘይኮነስ መሳርሒት እዉን ኮይና እያ።

* ናይ ፀላእትና መገልገልቲ ብፍፁም ኣይንኸዉንን። መገልገሊኦም ዝኾነ ኩሉ መሓዉር ክፅረግ ኣለዎ።

* ቤተ -ክርስትያን ኦርቶዶክስ ኢትዮጵያ ዂናት ክጋደድ ገንዘባዊ ሓገዝ እዉን ገይራ እያ።

* ኣኽሱም ክትምለስ ኣለዋ። ኣኽሱም ማእኸል ኩሉ ነገር እያ። ታሪኽና ደሚቑ ክወፅእ ኣለዎ። ክሰርቅዎ፣ክዉንንዎ፣ክቐብርዎ እዮም ፈቲኖም።

* መራሕቲ ሃይማኖት ንባዕልኩም ስጥምጥም ኢልኩም ንኣመንትኹም እዉን ብኣግባቡ መሪሕኹም እታ ፈተና ክንሰግራ ኣለና።

Dimtsi Weyane
Digital Weyane ዲጂታል ወያነ

Read More